बेलगाम प्राईड/ येथील मराठा लाईट इन्फंट्री रेजिमेंटल सेंटरने मोठ्या उत्साहाने आणि श्रद्धेने रक्षाबंधन साजरे केले. रक्षाबंधनाच्या पुर्वसंध्येला कॅम्पमधील केंद्रीय विद्यालयाच्या विद्यार्थ्यांनी अग्निवीर आणि लष्करी जवानांना राखी बांधत शुक्रवारी (ता. ९) रक्षाबंधन साजरा केला.
यानिमित्त २२७ शाळकरी मुले, इनर व्हीलसह स्वयंसेवी संस्थांमधील महिला आणि सेवारत कर्मचाऱ्यांचे कुटुंब तरुण अग्निवीरांच्या आणि तैनात सैनिकांच्या मनगटांवर राखी बांधण्यासाठी एकत्र आले. भारतीय लष्करातील शूर जवान आणि अग्निवीर यांच्या मनगटावर स्वतः तयार केलेल्या राख्या बांधल्या. भाऊ आणि बहिणींमधील संरक्षणाच्या पवित्र बंधनाचे प्रतीक असलेल्या या सणात सर्व स्तरातील आणि नागरी बंधुत्वाच्या उत्साही सहभागाने भर पडली.
सैनिकांनी अभिमानाने आणि नम्रतेने पवित्र धागे स्वीकारले. अंतर्गत आणि बाह्य दोन्ही प्रकारच्या धोक्यांपासून मातृभूमी आणि तिच्या नागरिकांना संरक्षण देण्याची त्यांची गंभीर प्रतिज्ञा पुन्हा व्यक्त केली. हा कार्यक्रम भारतीय सैन्याच्या राष्ट्रीय सेवेचे उदात्त ध्येय पुढे चालू ठेवत परंपरेत रुजलेल्या दृढनिश्चयाचा पुरावा ठरला
