कंग्राळी बुद्रुक येथील महालक्ष्मी यात्रेची पूर्वतयारीला प्रारंभ; वार पाळण्यास प्रारंभ
बेलगाम प्राईड (ता. बेळगाव) येथे ग्रामदैवत श्री महालक्ष्मी यात्रेची पूर्वतयारी करण्यास सुरू झाली आहे. 28 एप्रिल 2026 रोजी पारंपरिक वैभवशाली होणाऱ्या या यात्रेच्या निमित्ताने 16 सप्टेंबर 2025 रोजी पहिला वार पाळण्यात आला.
सकाळी देवीची पूजाअर्चा तसेच गदगेवर पादुकांचे पूजन करून धार्मिक विधी पार पडली. पहिल्या वारानिमित्त गावातील सर्व व्यवहार, शेतकाम, दुकाने, गिरण्या, लोहारकाम तसेच शाळा बंद ठेवण्यात आल्या. गावकऱ्यांनी ठरलेल्या परंपरेनुसार घरात भाकरी न करण्याचा संकल्प विशेष म्हणजे या दिवशी गावातील कोणालाही बाहेर जाण्यास तसेच बाहेरील व्यक्तींना गावात प्रवेश करण्यास परंपरेनुसार मनाई करण्यात आली आहे.
एकूण पाच वार पाळण्यात येणार असून त्यातील पहिला वार मंगळवार 16 सप्टेंबरला झाला. उर्वरित वार पुढील प्रमाणे पाळले जाणार आहेत: दुसरा वार :शुक्रवार, 19 सप्टेंबर तिसरा वार : मंगळवार, 23 सप्टेंबर चौथा वार : गुरुवार, 25 सप्टेंबर पाचवा वार : मंगळवार, 30 सप्टेंबर असे पाळले जाणार आहेत.
यावेळी महालक्ष्मी यात्रा समितीचे अध्यक्ष, उपाध्यक्ष व सदस्य, ग्रामपंचायत पदाधिकारी तसेच गावातील मान्यवर आणि ग्रामस्थ मोठ्या संख्येने उपस्थित होते. गावाच्या सांस्कृतिक, धार्मिक आणि एकात्मतेचे प्रतीक असलेली ही यात्रेच्या यशस्वी आयोजनाची परंपरा आहे.
