बेलगाम प्राईड / बेळगाव कॅम्प येथील सेंट पॉल शाळा आणि द पॉलाइट्स ऑफ बेलगाम वर्ल्डवाइड (PBW) यांच्या संयुक्त विद्यमाने 25 ऑक्टोबर 2025 रोजी सुरू होणाऱ्या *फादर एडी मेमोरियल आंतरशालीय चषक फुटबॉल स्पर्धा 17 वर्षाखालील मुलांच्या 57 व्या आवृत्तीची घोषणा करण्यात आली आहे. सदर स्पर्धा सेंट पॉल्स पीयू कॉलेज मैदान, कॅम्प, बेळगाव येथे होणार आहे.
बेळगाव भागातील सर्वात प्रतिष्ठित आणि दीर्घकाळ चालत असलेल्या शालेय फुटबॉल स्पर्धांपैकी एक असलेल्या या फादर एडी मेमोरियल स्पर्धेने गेल्या अनेक दशकांपासून युवा फुटबॉल खेळाडूंना घडविणे आणि क्रीडाभावना वाढविण्याचे कार्य केले आहे.
यावर्षी या परंपरेला नवे आवाहन देत प्रथमच निशा छाब्रिया मेमोरियल अंतरशालेय चषकाचे फुटबॉल स्पर्धा 17 वर्षाखालील मुलींसाठी सुरू करण्यात येत आहे. यामुळे फुटबॉल क्षेत्रात मुलींना प्रोत्साहन आणि संधी मिळणार आहे. दोन्ही स्पर्धांना छाब्रिया कुटुंब (बिग व्हेंचर्स) यांनी टायटल स्पॉन्सरशिप दिली आहे. तरुणांच्या क्रीडा विकास आणि लिंग समानतेसाठी त्यांचा खूप मोठा पाठिंबा या दुहेरी फुटबॉल सोहळ्याला शक्य बनला आहे.
26 शाळा मुलांच्या गटात आणि 11 शाळा मुलींच्या गटात सहभागी होत आहेत. त्यामुळे ही स्पर्धा या वर्षातील सर्वात उत्साहवर्धक शालेय क्रीडा कार्यक्रमांपैकी एक ठरणार आहे. फादर एडी यांच्या स्वप्नाला पुढे नेत आणि दिवंगत निशा छाब्रिया यांच्या स्मृतीस अभिवादन करत ही स्पर्धा स्पर्धात्मकता, संघभावना आणि समाजातील एकतेचा उत्सव साजरा करणार आहे.सर्व सामने सेंट पॉल्स पीयू कॉलेज मैदानावर खेळवल्या जाणार असून खेळाडू आणि प्रेक्षकांसाठी रोमांचक वातावरण निर्माण होणार आहे.
“ही स्पर्धा केवळ फुटबॉलचा नव्हे तर एकता, शिस्त आणि प्रामाणिक खेळभावनेचा उत्सव आहे हीच ती मूल्ये आहेत जी अनेक पिढ्यांच्या पॉलाइट्सना घडवत आली आहेत,” असे आयोजकांनी सांगितले.उद्घाटन सोहळा 25 ऑक्टोबर 2025 रोजी सेंट पॉल्स पीयू कॉलेज मैदान, कॅम्प, बेळगाव येथे पार पडणार आहे.
