बेलगाम प्राईड/ थायलंड पटाया येथे सुरू असलेल्या मि. आशिया – २०२५ व मि. वर्ल्ड – २०२५ या शरीरसौष्ठव स्पर्धेत बेळगावच्या शरीरसौष्ठवपटूनी आपले वर्चस्व कायम ठेवले आहे. विनोद मेत्री यांनी सुवर्णपदक तर रोनक गवस याने रौप्यपदक मिळवले.
विनोद मेत्री याने सिनियर मि. वर्ल्ड स्पर्धेत ६० किलो वजनी गटामध्ये सुवर्णपदक पटकावले. रोनक गवस याने सिनियर मि. वर्ल्ड २०२५ या स्पर्धेत ६५ किलो वजनी गटामध्ये रौप्यपदक पटकावले. रोनक गवस याने मि. वर्ल्ड – २०२५ ज्युनियर गटातही कांस्यपदक पटकावले. विनोद मेत्री रोनक गवस या दोन्ही शरीरसौष्ठवपटूंना
इंडियन बॉडी बिल्डिंग फेडरेशन व कर्नाटक बॉडी बिल्डिंग असोसिएशन तसेच बेळगाव डिस्ट्रिक्ट बॉडी बिल्डर असोसिएशन अँड स्पोर्ट्स यांचे मार्गदर्शन लाभले. मि.वर्ल्ड स्पर्धेत बॉडी बिल्डिंग क्लासिक मेन्स फिजिक्स, बिकनी मास्टर, मास्टर मेन्स फिजिक्स, वेट लिफ्टींग अशा प्रकारात स्पर्धा झाल्या. यामध्ये ४०० स्पर्धकांनी भाग घेतला होता.
