दहशतवाद व हिंसाचाराविरुद्ध एकत्रितपणे लढण्याची घेतली शपथ

बेलगाम प्राईड/ बेळगाव पोलीस आयुक्त कार्यालयाच्या आवारात आज दहशतवाद विरोधी दिनाच्या निमित्ताने, उपस्थित पोलीस अधिकारी आणि कर्मचाऱ्यांनी समाजात शांतता व सलोखा राखण्याची आणि दहशतवाद व हिंसाचाराविरुद्ध एकत्रितपणे लढण्याची संयुक्त शपथ घेतली. त्याचबरोबर, देशासाठी आपल्या प्राणांचे बलिदान देणाऱ्या हुतात्म्यांना यावेळी आदरांजली वाहण्यात आली.

दहशतवाद विरोधी दिन हा देशाच्या सुरक्षेसाठी, सामाजिक सलोख्यासाठी आणि राष्ट्रीय एकात्मतेसाठी आपली बांधिलकी अधोरेखित करणारा महत्त्वपूर्ण दिवस आहे. दरवर्षी २१ मे रोजी साजरा होणारा हा दिवस समाजात दहशतवादाच्या दुष्परिणामांविषयी जनजागृती निर्माण करण्यासाठी पाळला जातो.

दहशतवाद कोणत्याही धर्म, जाती किंवा विचारसरणीचा प्रतिनिधी नसतो; तो केवळ विध्वंस, भीती आणि अशांततेचा प्रसार करणारी अमानवी प्रवृत्ती आहे. अशा प्रवृत्तीमुळे देशाच्या प्रगतीला अडथळा निर्माण होतो आणि सामाजिक सौहार्द धोक्यात येते. त्यामुळे प्रत्येक नागरिकाने सतर्क राहून देशविघातक शक्तींविरोधात एकजुटीने उभे राहणे आवश्यक आहे.

शिक्षण, जागरूकता, संवाद आणि परस्पर विश्वास यांच्या माध्यमातून आपण समाजात शांततेचा संदेश अधिक प्रभावीपणे रुजवू शकतो. आजच्या या दहशतवाद विरोधी दिनानिमित्त आपण सर्वांनी हिंसा आणि द्वेषाला नाकारत, शांतता, एकात्मता आणि मानवतेच्या मूल्यांचे रक्षण करण्याचा निर्धार करूया. याच न्यूज दाखवणे आज सर्वत्र दहशतवाद विरोधी दिन साजरा केला जात आहे.