अखिल भारतीय क्षत्रिय महासभेची कर्नाटक प्रदेश कार्यकारिणी बैठक बेळगावात संपन्न
बेलगाम प्राईड/ अखिल भारतीय क्षत्रिय महासभेच्या कर्नाटक प्रदेश कार्यकारिणीची बैठक राष्ट्रीय अध्यक्ष ठाकूर महेंद्र सिंह तंवर यांच्या अध्यक्षतेखाली ५ ऑक्टोबर २०२६ रोजी बेळगाव येथे पार पडली.
बैठकीत राष्ट्रीय अध्यक्ष ठाकूर महेंद्र सिंह तंवर यांनी यूजीसीसह विविध राष्ट्रीय व सामाजिक मुद्द्यांवर सविस्तर मार्गदर्शन केले. तसेच संघटनेच्या आगामी उपक्रमांची आणि संघटनात्मक कार्याची माहिती त्यांनी उपस्थित पदाधिकाऱ्यांना दिली.
यावेळी राजस्थानचे कार्यकारी प्रदेशाध्यक्ष मोतीसिंह नाथावत, दिल्लीचे प्रदेशाध्यक्ष धर्मपाल सिंह सुमाल तसेच राष्ट्रीय सचिव डी. पी. सिंह नैगी यांनीही बैठकीला संबोधित केले.
बैठकी दरम्यान कर्नाटक प्रदेशाध्यक्ष अभय सिंह राजपूत, महिला प्रदेशाध्यक्ष प्रतिभा सिंह राजपूत, सेवानिवृत्त परिवहन आयुक्त किरण सिंह राजपूत, सुनील सिंह, अंजू देसाई, रतन सिंह ठाकूर यांच्यासह प्रदेशातील विविध पदाधिकारी उपस्थित होते. यावेळी संघटनेचा विस्तार, संघटनात्मक बळकटीकरण तसेच विविध सामाजिक प्रश्नांवर मुद्देसूद चर्चा करण्यात आली.
बैठकीच्या शेवटी कर्नाटक प्रदेशाध्यक्ष अभय सिंह राजपूत यांनी उपस्थित राष्ट्रीय व प्रदेशातील पदाधिकाऱ्यांचे आभार मानले.
