बेलगाम प्राईड / नुकत्याच 22 ते 26 जुलै रोजी हसन येथे झालेल्या सीबीएसई दक्षिण विभाग स्पर्धा 2025 मध्ये बेळगावच्या स्विमर्स क्लब आणि अॅक्वेरियस स्विम क्लबच्या वेदांत मिसाळे (ज्योती सेंट्रल स्कूल), निधी कुलकर्णी (केएलएस पब्लिक स्कूल) आणि रेहा पोरवाल (केएलई इंटरनॅशनल स्कूल) यांनी 1 सुवर्णपदक आणि 4 रौप्यपदके जिंकून शहर आणि त्यांच्या शाळांचा गौरव वाढवला आहे. या स्पर्धेतील उत्कृष्ट कामगिरीमुळे त्यांची सीबीएसई राष्ट्रीय जलतरण स्पर्धेसाठी निवड झाली आहे. त्यांनी जिंकलेल्या पदकांचा तपशील खालीलप्रमाणे आहे:
वेदांत मिसाळे: 100 मीटर बटरफ्लाय स्ट्रोक – सुवर्णपदक 200 मीटर बटरफ्लाय स्ट्रोक – रौप्यपदक 50 मीटर बटरफ्लाय स्ट्रोक – रौप्यपदक
निधी कुलकर्णी 100 मीटर बटरफ्लाय स्ट्रोक – रौप्यपदक
रेहा पोरवाल: 50 मीटर बटरफ्लाय स्ट्रोक – रौप्यपदक
वरील सर्व जलतरणपटू बेळगाव येथील सुवर्ण जेएनएमसी जलतरण तलावात (ऑलिम्पिक आकार) प्रशिक्षक उमेश कलघटगी, अक्षय शेरेगार, अजिंक्य मेंडके, नितीश कुदुचकर, गोवर्धन काकतकर, इम्रान उचगांवकर, विनायक आंबेवाडीकर यांच्या मार्गदर्शनाखाली प्रशिक्षण घेत आहेत. त्यांना डॉ. प्रभाकर कोरे (अध्यक्ष, केएलई सोसायटी), जयंत हुंबरवाडी (अध्यक्ष, जयभारत फाऊंडेशन), रोटरी क्लबचे अविनाश पोतदार, सौ. मानेक कपाडिया, सौ. लता कित्तूर, सुदीर कुसने, प्रसाद तेंडोलकर आणि इतरांचे मोठे प्रोत्साहन आणि पाठिंबा मिळाला आहे.या यशस्वी जलतरणपटूंना सर्व स्तरांतून कौतुक होत आहे.
