बेलगाम प्राईड/ टिळकवाडी, बेळगाव येथील लोटस हॉस्पिटलने 16 वर्षाखालील महिलांच्या कर्नाटक राज्यस्तरीय हॉकी स्पर्धेत सहभागी होणाऱ्या हॉकी बेळगाव संघटनेच्या 30 युवा महिला हॉकी खेळाडूंच्या रेल्वे प्रवासाचा खर्च उदारपणे मदत केली आहे.
हॉकी कर्नाटक संघटनेतर्फे बेंगलोर येथे येत्या 25 ते 30 जून 2026 या कालावधीत 16 वर्षाखालील महिलांची कर्नाटक राज्यस्तरीय हॉकी स्पर्धा आयोजित करण्यात आली आहे. या स्पर्धेत हॉकी बेळगाव संघटनेचे प्रतिनिधित्व करणाऱ्या सर्व खेळाडूंच्या प्रवास खर्चासाठी लोटस हॉस्पिटलचे प्रायोजकत्व मिळवून देण्यास डॉ. अनिल पाटील (लोटस हॉस्पिटल),शैलेश भातखंडे, फेसबुक फ्रेंड्स सर्कलचे संतोष दरेकर, दिनेश कोल्हापुरे, स्वाती अरुण पोते आणि साकिब बेपारी यांचे योगदान आणि सामूहिक प्रयत्न कारणीभूत ठरले आहेत.
हा उपक्रम बेळगावमधील महिला क्रीडा आणि युवा विकासासाठी असलेल्या सामुदायिक सहभागाची आणि प्रोत्साहनाची भावना दर्शवतो.
राज्यस्तरीय स्पर्धेत बेळगावचे प्रतिनिधित्व करणाऱ्या प्रतिभावान खेळाडूंना पाठिंबा देण्याची आणि त्यांना प्रोत्साहन देण्याची संधी दिल्याबद्दल प्रायोजकांसह संतोष दरेकर यांनी हॉकी संघाच्या सचिव व मुख्य हाॅकी प्रशिक्षक सुधाकर चाळके यांचे आभार मानले आहेत. तसेच सर्व युवा महिला हॉकीपटूंना क्रीडा क्षेत्रात मोठे यश आणि उज्ज्वल भविष्यासाठी शुभेच्छा दिल्या आहेत.
