आंतर-महाविद्यालयीन ‘सिंगल झोन’ पुरुष आणि महिला हॉकी स्पर्धा

बेळगाव: गुरुवारी बेळगाव शहरातील टिळकवाडी येथील लेले (सुभाषचंद्र बोस) मैदानावर, संगोळी रायण्णा फर्स्ट ग्रेड कॉन्स्टिट्युअंट कॉलेजच्या नेतृत्वाखाली २०२६-२७ या वर्षासाठी आंतर-महाविद्यालयीन ‘सिंगल झोन’ पुरुष आणि महिला हॉकी स्पर्धा आयोजित करण्यात आली होती. कित्तूर राणी चन्नम्मा विद्यापीठ, बेळगावशी संलग्न महाविद्यालयांमधून एकूण १४ संघांनी (८ मुलांचे आणि ६ मुलींचे संघ) यात सहभाग घेतला. तीन दिवस चाललेल्या या स्पर्धेत खेळाडूंचा उत्साह आणि चुरशीची स्पर्धा पाहायला मिळाली. संगोळी रायण्णा फर्स्ट ग्रेड कॉन्स्टिट्युअंट कॉलेजचे प्राचार्य प्रा. एस. सी. पाटील म्हणाले की, खेळ हे विद्यार्थ्यांमध्ये शारीरिक क्षमतेसोबतच शिस्त, नेतृत्वगुण, आत्मविश्वास आणि वक्तशीरपणा विकसित करून व्यक्तिमत्त्व विकासाचा पाया रचतात.

तीन दिवस चाललेल्या या स्पर्धेच्या समारोप समारंभात विद्यार्थ्यांना बक्षिसे आणि प्रमाणपत्रे वाटल्यानंतर बेळगाव हॉकी असोसिएशनचे उपाध्यक्ष प्रकाश कलकुंद्रीकर बोलत होते. ते म्हणाले की, खेळ आपल्याला विजय आणि पराभव समान भावनेने स्वीकारण्याची वृत्ती शिकवतात. विद्यार्थ्यांनी शिक्षणासोबतच क्रीडा उपक्रमांमध्येही सक्रिय सहभाग घेतला पाहिजे.

बेळगाव हॉकी असोसिएशनचे सरचिटणीस सुभेदार सुधाकर चालके म्हणाले की, सध्याच्या काळात भारत हॉकीमधील आपले जुने वैभव पुन्हा मिळवत आहे. त्यामुळे विद्यार्थ्यांनी हॉकीवर लक्ष केंद्रित केले पाहिजे. खेळातील प्रत्येक विजयासाठी सातत्यपूर्ण सराव, संयम आणि आत्मविश्वास यांची आवश्यकता असते. या स्पर्धेसाठी एसआरएफजीसीसी महाविद्यालयाचे सर्व प्राध्यापक उपस्थित होते.

स्पर्धेत चांगली कामगिरी करणाऱ्या विद्यार्थ्यांना बक्षिसे व प्रमाणपत्रे देण्यात आली आणि विजयी विद्यार्थी व संघांचा सत्कार करण्यात आला. निकाल:

मुलांचा गट:

प्रथम क्रमांक: बी.के. कॉलेज, चिक्कोडी

द्वितीय क्रमांक: केआरसीयू (KRCU) संघ

तृतीय क्रमांक: एसआरएफजीसी (SRFGC) कॉलेज, बेळगाव

मुलींचा गट:

प्रथम क्रमांक: एमईएस (MES) कॉलेज, मुडलगी

द्वितीय क्रमांक: जीआयबी (GIB) कॉलेज, निपाणी

तृतीय क्रमांक: बी.के. कॉलेज, चिक्कोडी

डॉ. प्रीती पडप्पगोळ यांनी कार्यक्रमाचे सूत्रसंचालन केले. डॉ. महांतेश दुरागन्नवर यांनी पाहुण्यांची ओळख करून दिली. हॉकी बेळगावचे सदस्य विकास कलघटगी, मनोहर पाटील सविता वेसाने, वाय पी नाईक, नामदेव सावंत, सुप्रिया कारेकर, रमाकांत कारेकर, बाळासाहेब पसारे यांनी सादरीकरण केले. विद्यार्थिनी हर्षिता मरळी हिने स्वागत केले. डॉ. करुणा अमरुस्कर शारीरिक शिक्षण संचालक आणि केआरसीयूबी हॉकी निवड चाचणी कम स्पर्धेचे आयोजन सचिव यांनी आभार मानले.