बॅक्साइट रोडवरील एपीएमसी येथील केएसआरपी मैदानात सार्वजनिक स्वच्छतागृहाच्या बांधकामाचे भूमिपूजन
बेलगाम प्राईड/ शहरातील सार्वजनिक सुविधांमध्ये वाढ करण्याच्या उद्देशाने बेळगाव उत्तरचे आमदार आसिफ (राजू) सेठ यांनी बॅक्साइट रोडवरील एपीएमसी रस्त्याजवळील केएसआरपी मैदानात सार्वजनिक स्वच्छतागृहाच्या बांधकामाचे भूमिपूजन केले. गुरुवार, दि. १२ नोव्हेंबर रोजी हा कार्यक्रम पार पडला.
सार्वजनिक बांधकाम विभागाच्या माध्यमातून या प्रकल्पासाठी ₹६० लाखांचा निधी मंजूर करण्यात आला असून, सार्वजनिक बांधकाम मंत्री सतीश जारकीहोळी यांच्या सहकार्याने आणि आमदार आसिफ (राजू) सेठ यांच्या विशेष प्रयत्नातून हे काम हाती घेण्यात आले आहे.
या स्वच्छतागृहामुळे परिसरातील नागरिक, प्रवासी तसेच या भागात येणाऱ्या लोकांना आवश्यक सार्वजनिक स्वच्छतेची सुविधा उपलब्ध होणार आहे. या ठिकाणी सार्वजनिक स्वच्छतागृहाची असलेली गरज लक्षात घेऊन हा प्रकल्प राबविण्यात येत आहे.
नागरिकांच्या दैनंदिन गरजा लक्षात घेऊन मूलभूत सुविधा उपलब्ध करून देणे आणि सार्वजनिक पायाभूत सुविधांचा विकास करणे हे आपले प्राधान्य असल्याचे आमदार आसिफ (राजू) सेठ यांनी सांगितले.
बेळगाव उत्तर मतदारसंघातील नागरिकांच्या सोयीसाठी आणि शहराच्या सर्वांगीण विकासासाठी विविध विकासकामे सातत्याने हाती घेण्यात येत आहेत.
