BelgaumPride -July 21, 2026
बेलगाम प्राईड/ बेळगाव विमानतळावरील नवीन एकात्मिक टर्मिनल इमारतीच्या उभारणीचे काम अंतिम टप्प्यात पोहोचले असून, या प्रकल्पातील महत्त्वाचा टप्पा म्हणून नवीन एप्रनवरील प्रवासी बोर्डिंग ब्रिज (Passenger Boarding Bridges) उभारणी आणि चाचणी प्रक्रियेला औपचारिक सुरुवात करण्यात आली आहे. ही प्रक्रिया इंटिग्रेटेड टेस्टिंग अँड कमिशनिंग (ITC) अंतर्गत राबविण्यात येत आहे.
नवीन टर्मिनल कार्यान्वित झाल्यानंतर प्रवाशांना विमानात चढणे आणि उतरणे अधिक आरामदायी, सुरक्षित आणि सुलभ होणार आहे. तसेच विमानतळावरील प्रवासी हाताळणी क्षमता आणि सेवा सुविधांमध्येही मोठी वाढ होणार आहे.
सुमारे ₹२२३ कोटी खर्चाच्या या प्रकल्पांतर्गत नवीन टर्मिनलमध्ये चार आधुनिक प्रवासी बोर्डिंग ब्रिज, १४ चेक-इन काउंटर, दोन बॅगेज कन्व्हेयर बेल्ट, तसेच विमान पार्किंगची क्षमता ३ वरून १२ विमानांपर्यंत वाढविण्याची सुविधा विकसित केली जात आहे. नवीन टर्मिनलमध्ये एकाच वेळी सुमारे २,४०० प्रवाशांची हाताळणी करण्याची क्षमता असेल.
या प्रकल्पामुळे बेळगाव विमानतळाच्या आधुनिकीकरणाला मोठी चालना मिळणार असून, भविष्यात वाढणारी प्रवासी संख्या आणि मोठ्या विमानांच्या वाहतुकीसाठी आवश्यक पायाभूत सुविधा उपलब्ध होणार आहेत.
