बेलगाम प्राईड/ पोलीस निरीक्षक जे. एम. कालीमिर्ची यांची बेळगाव शहरातील मार्केट पोलीस स्थानकाच्या निरीक्षकपदी नियुक्ती करण्यात आली आहे. काही दिवसांपूर्वी त्यांनी सायबर पोलीस स्थानकात पदभार स्वीकारला होता. त्याआधी ते माळमारुती पोलीस स्थानकात कार्यरत असताना वादग्रस्त सेल्फी प्रकरणामुळे चर्चेत आले होते.
नवीन आदेशानुसार कालीमिर्ची यांची बदली सायबर पोलीस स्थानकातून थेट मार्केट पोलीस स्थानकात करण्यात आली आहे. दरम्यान, सध्या मार्केट पोलीस स्थानकाचे निरीक्षक म्हणून सेवेत असलेले महंतेश द्यामन्नावर यांची बदली बेंगळूर येथील लोकायुक्त विभागात करण्यात आली आहे. या बदलीचे आदेश वरिष्ठ आयपीएस अधिकारी सोमेंदु मुखर्जी यांच्या स्वाक्षरीने जारी करण्यात आले आहे.
